بالمحشر يوم الخوف مغفورة أذنوبـه بــولاية أهل البيت مقبولة التوبة
واضح طريق الإيمان والواضح ما يتأول لمّـن ينّص القـرآن قول الله ما يتبدل
يـوم الغدير المعروف آيـات بيه تتنزل معناها حيدر يا شاك مو رابع هوه الأول
يا محلى أبراس الكرار تاج الإمـارة فـاق البشر بآياته وسجّــل صدارة
لِلحَبَه والوالاه جنـة مكتـوبة
بولاية أهل البيت مقبولة التوبة
* * *
اثنعشر إمـام المرسول كل ساعة بيهم يحدي ويعددهم بالأسماء من حيدر حتى المهدي
يا شاك كل شي مذكور غضّ البصر مايجدي بلياهم يا جنة اتريد خلك صريح اوجِّدي
اثنعشر إمام اوتشهد كل المساند عددهم لو ان تقدر كافي تعـاند
بس عدنه هالأطهار اثنعشر محسوبة
بولاية أهل البيت مقبولة التــوبة
* * *
ادروب النجاة اوكل خير ينبع لطف من عدهم عالأمة صاروا أسياد والمصطفى سيدهم
الله رفعهم عالناس لـو ان دعوا ما يـردهم باب الشفاعة المقفول مفتاحه حقها أبيدهم
امحبتهم نور امن الله تهطل علينه وأعله بحور الأهوال حبهم سفينة
شمس اوحاشاها أبغيمات تبقى محجوبة
بــولاية أهل البيت مقبــولة التوبة
* * *
من فطرتي لهذا اليوم ماضي أبطريق الهادي و أهـل الإمام الأكرام هم عزوتي وأسيادي
بالأولى هـم درب الفوز بالآخرة أمجـادي من ﭽفهم أشرب كوثر وأروي دليلي الصادي
ربي يحشرني اويه الآل شيعي أبدرهم لنِّي أقسمت أبكل حال مـا أنسى حبهم
حبهم أصل الإيمان مو حب ألعوبة
بولاية أهل البيت مقبــولة التوبة
* * *
للشاعر : حيدر طلاق
من أجمل قصائد إصدار الأفراح "روح وخواطر" للملا باسم الكربلائي










--
HASANAIN STYLE
--
ســومـــريــــة
--
HASANAIN STYLE
--
تقبلوا تحياتي البحرية المنعشة
--
HASANAIN STYLE
--
HASANAIN STYLE
--
Silence is golden...but shouting's more fun.
--
HASANAIN STYLE
Previous Page12345...Next Page